Eres un dos mellores investigadores da sección 'CronoVixiantes da Historia Galega' da Deputación da Coruña. Chegaches ata esta web para investigar a axencia ADOTE, unha organización anónima que atenta contra a historia do Reino de Galicia. Esta organización criminal manipula documentos históricos para alterar a rica e marabillosa historia do reino, creando un presente distópico sen as súas lendas e proezas épicas. A túa misión é recuperar e restaurar a información histórica auténtica, utilizando os recursos necesarios para devolverlle ao Reino de Galicia o seu esplendor e identidade perdidos.